Guðrún Dalía Salómonsdóttir

Guðrún Dalía Salómonsdóttir er fædd í Reykjavík árið 1981.
Hún stundaði píanónám við Tónlistarskólann í Reykjavík undir handleiðslu Guðríðar St. Sigurðardóttur til 2003. Þá hélt hún til náms hjá Wan Ing Ong við Staatliche Hochschule für Musik und darstellende Kunst í Stuttgart og útskrifaðist þaðan sumarið 2007. Hún stundar nú framhaldsnám í París hjá Thérése Dussaut.

Guðrún Dalía hefur leikið á ýmsum námskeiðum, m.a. hjá Thomas Böckeler, Klaus Kaufmann, Diane Andersen og Soshönu Rudiakov. Einnig hefur hún sótt tíma í ljóðaundirleik hjá Prof. Cornelis Wietthoeft.

Í nóvember 2006 fékk hún fyrstu verðlaun í píanókeppni EPTA í Salnum, Kópavogi.

Guðrún Dalía hefur hlotið ýmsa styrki, meðal annars úr Minningarsjóði Margrétar Björgólfsdóttur og Minningarsjóði Birgis S. Einarsonar apótekara árið 2007.
Á undanfönum árum hefur Guðrún Dalía leikið á fjölmörgum tónleikum á Íslandi og í Þýskalandi, bæði sem einleikari og meðleikari.

Til baka á aðalsíðu